მონაცემთა ბაზაში შენახული ინფორმაციის დაშიფვრის ერთი მექანიზმის შესახებ

ავტორი: ელიკო იორამაშვილი
საკვანძო სიტყვები: შიფრაცია, დეშიფრაცია, ბაზაში ინფორმაციის შენახვა
ანოტაცია:

ნაშრომში განხილულია მონაცემთა ბაზაში შენახული ინფორმაციის დაშიფვრის მეთოდები. დღესდღეისობით ეს თემა მეტად აქტუალურია, რადგანაც ინტერნეტ სივრცეში მონაცემების საიდუმლოდ შენახვა და მათი დაცვა არაავტორიზებული წვდომისაგან საკმაოდ რთული საკითხია, ხშირ შემთხვევებში პრობლემასაც კი წარმოადგენს. ამ პრობლემების გადასაწყვეტად იყენებენ სხვადასხვა სახის კრიპტოალგორითმებს. ნაშრომი ეძღვნება ერთ-ერთ ყველაზე დაცული ალგორითმის (მისი გატეხვა რეალურ დროში არსებული კომპიუტერული სიმძლავრიდან გამომდინარე შეუძლებელია) ანალიზსა და რეალიზაციას. ნაშრომში განხილულია ბაზაში ინფორმაციის საიდუმლოდ შენახვის სხვადასხვა მეთოდები. მონაცემთა შიფრაცია მიმართავს შიფრაციის იმ ტექნოლოგიას, რომელიც ჩვეულებრივ ტექსტს გარდაქმნის დაშიფრულ მონაცემად, რომლის გამოც ტექსტი (მონაცემი) ხდება ამოუცნობი და სხვებისთვის გაუგებარი, გარდა იმ პირებისა რომელთაც არ გააჩნიათ გასაღები(გასაღებები). პროგრამულად რეალიზებულია კრიპტოალგორითმები. შედეგად შექმნილია აპლიკაცია, რომლის გამოყენება შესაძლებელია მონაცემთა ბაზების მართვის სისტემაში მონაცემების საიდუმლო სახით შენახვისათვის დაცული გზით.